Top Panel
You are here: HomeNewsاصلاح معاشرہ اور اتحادِ اُمت میں مساجد کارول نمایاں
Friday, 29 May 2015 18:29

اصلاح معاشرہ اور اتحادِ اُمت میں مساجد کارول نمایاں

Rate this item
(0 votes)

٩٢/مئی٥١٠٢ئ؁

اُمت کی زبوں حالی سے نکلنے کے لیے دینی و عصری علوم لازم و ملزوم امیرجماعت

 سرینگرامیر جماعت اسلامی جموں وکشمیر محمد عبداللہ وانی نے آج نماز جمعہ کے موقع پر جامع مسجد شاہ زادہ متصل جامعہ سراج العلوم ہلو امام صاحب شوپیان میں لوگوں کے ایک بڑے مجموعے سے خطاب کرتے ہوئے کہا کہ اصلاح معاشرہ اور اتحادِ اُمت میں مساجد کا رول نمایاں ہوتا ہے۔ انہوں نے کہا اسلامی معاشرے میں مساجد نے ہر دور میں پارلیمنٹ کا رول نبھایا ہے ۔ ملت اور سماج سے جڑے تمام مسائل مساجد میں حل کیے جاتے تھے، وفود یہاں سے روانہ ہوتے تھے اور اصلاح معاشرہ کے حوالے سے درس و تدریس کا سلسلہ بھی مساجد ہی میں جاری ہوتا تھا۔امیر جماعت نے کہا کہ اُمت مسلمہ کی بدنصیبی یہ ہے کہ آج ہم نے مسجد کو دو رکعت کی نماز تک ہی محدود کردیا ہے۔حالانکہ مساجد آج بھی اُمت میں وہی رول ادا کرسکتی ہیں جو قرون اولیٰ میں مساجد نے ادا کیا ہے۔محمد عبداللہ وانی نے کہا کہ اتحاد اُمت میں بھی مساجد نمایاں رول ادا کرسکتی ہیں ۔ مساجد تمام طرح کی تفریق مٹاکر محمود و ایاز کو ایک ہی صف میں کھڑا کرتی ہیں اور یہی اُمت مسلمہ کے اتحاد کا ضامن بن سکتا ہے۔امیر جماعت اسلامی محمد عبداللہ وانی نے مزید کہا کہ اس وقت عالم اسلام جس زبوں حالی کا شکار ہے اور جس طرح سے مسلمان ہر جگہ پٹ رہے ہیں اُسے باہر آنے کے لیے لازمی ہے کہ ہم اپنی نسلوں کو دینی اور عصری علوم سے آراستہ کریں ۔ موصوف نے کہا کہ المیہ یہ ہے کہ ہم دینی اور عصری علوم میں ہم آہنگی پیدا کرنے میں ناکام رہے ہیں ۔ دین پڑھانے والے عصری علوم سے لاتعلق ہیں جبکہ عصری علوم پڑھنے والے دینی علوم سے بے بہرہ ہیں ۔امیر جماعت نے کہا ضرورت اس بات کی ہے کہ اُمت مسلمہ اپنی سطح پر ایسے اداروں کا قیام عمل میں لائیں جہاں دینی اور عصری علوم کا سنگم ہو۔ انہوں نے جامعہ سراج العلوم امام صاحب شوپیان کے منتظمین کی تعریف کرتے ہوئے کہا کہ انہوں نے وقت کے تقاضوں کو سمجھا ہے۔ جامعہ سراج العلوم جہاں حافظ قرآ ن اور عالم دین پیدا کررہا ہے وہاں عصری علوم میں بھی یہاں سے فارغ التحصیل بچے نام پیدا کررہے ہیں ۔ انہوں نے کہا کہ حال ہی میں دسویں اور بارہویں جماعت کے امتحانات میں جامعہ سراج العلوم کی کارکردگی کافی اطمینان بخش ہے اور یہ اسلامیان کشمیر کے لیے نیک شگونی کی علامت ہے۔

Read 257 times

Al'Quraan

The woman and the man guilty of illegal sexual intercourse, flog each of them with a hundred stripes. Let not pity withhold you in their case, in a punishment prescribed by Allah, if you believe in Allah and the Last Day. And let a party of the believers witness their punishment. (This punishment is for unmarried persons guilty of the above crime but if married persons commit it, the punishment is to stone them to death, according to Allah's Law).

Al'Quraan Surah Noor

Prophet Mohammad PBUH

Narrated: Abu Huraira (R.A) that a man said to the Prophet, sallallahu 'alayhi wasallam: "Advise me! "The Prophet (PBUH) said, "Do not become angry and furious." The man asked (the same) again and again, and the Prophet said in each case, "Do not become angry and furious." [Al-Bukhari; Vol. 8 No. 137]

Sunan Abu-Dawud.

eXTReMe Tracker