Top Panel
You are here: HomeNewsبھارتی مسلمانوں کی حالت زار قابل تشویش، مسئلہ کشمیر اٹل حقیقت قیم جماعت اسلامی
Sunday, 24 May 2015 18:58

بھارتی مسلمانوں کی حالت زار قابل تشویش، مسئلہ کشمیر اٹل حقیقت قیم جماعت اسلامی

Rate this item
(0 votes)

٤٢/مئی٥١٠٢ئ؁

ریاست جموں وکشمیر تہذیبی جارحیت کے نرغے میں ، نشانہ ہماری نوجوان نسل

بھارتی مسلمانوں کی حالت زار قابل تشویش، مسئلہ کشمیر اٹل حقیقت قیم جماعت اسلامی

جماعت اسلامی جموں وکشمیر ضلع اسلام آباد کے سالانہ اجتماع میں ہزاروں لوگوں کی شرکت

 سرینگرجماعت اسلامی جموں وکشمیر ضلع اسلام آباد کا سالانہ اجتماع آج جامع مسجد بیت المکرم متصل بس اڈاہ اسلام آباد میں منعقد ہوا۔ اجتماع میں ضلع اسلام آباد اور وادی کشمیر کے دیگر علاقوں سے ہزاروں لوگوں نے شرکت کی۔امیر جماعت اسلامی جموں وکشمیر محمد عبداللہ وانی نے سورہ فرقان کی آیات ٣٦/ تا٦٧/ کی روشنی میں مومنین اور مسلمانوں کے صفات بیان کرتے ہوئے کہا کہ مومنین اور مسلمان غرور ، گھمنڈاور بڑھائی و کبریائی کا شکار نہیں ہوتے ہیں بلکہ مسلمانو ں میں متانت ، نرم خوئی اور سنجیدگی ہوتی ہے اور مسلمان جاہلوں کے ساتھ الجھنے میں اپنا وقت ضائع نہیں کرتے ہیں بلکہ وہ اپنی تمام تر صلاحتیں قوم وملت اور انسانیت کی فلاح و بہبود میں صرف کرتے ہیں ۔محمد عبداللہ وانی نے مزید کہا کہ مسلمان نہ ہی اسراف کا شکار ہوجاتے ہیں اور نہ ہی بخل سے کام لیتے ہیں ۔ مسلمان اللہ کی راہ میں خرچ کرنے والے ہوتے ہیں اور عام انسانوں کے مسائل اور دکھ درد میں کام آنے والے ہوتے ہیں ۔محمد عبداللہ وانی نے کہا کہ قرآن مومنین کے اوصاف حمیدہ کو واضح انداز میں بیان کرتا ہے اوریہ اب مسلمانوں کی ذمہ داری ہے کہ وہ اللہ کے دین کی رسی کو مضبوطی سے تھام کر قرآن کی تعلیمات پر عمل پیرا ہوجائیں تاکہ اُمت مسلمہ کی موجودہ زبوں حالی کا خاتمہ ہوجائے گا اور دنیا ئے انسانیت کو امن وسکون میسر ہوسکے ۔قیم جماعت ڈاکٹر عبدالحمید فیاض نے اپنے خطا ب عام میں کہا کہ ریاست جموں وکشمیر تہذیبی جارحیت کے نرغے میں ہے اور اس جارحیت کا نشانہ ہماری نوجوان نسل کو بنایا جارہا ہے۔ انہوں نے کہا کہ جماعت اپنی دعوت کے ذریعے گھر گھر نوجوانوں کو اس جارحیت کے زر رساں اثرات سے باخبر کرے گی۔ بھارتی وزیر دفاع منوہر پاریکر کے حالیہ بیان کو آڑے ہاتھوں لیتے ہوئے ڈاکٹر عبدالحمید فیاض نے کہا کہ بھارت ریاست جموں وکشمیر میں اسرائیلی طرز عمل اختیار کرکے یہاں ٹارگٹ کلنگ کی پالیسی اپنانا چاہتا ہے۔’’دہشت گردی بمقابلہ دہشت گردی‘‘ کی پالیسی ریاستی دہشت گردی ہے اور اس پالیسی کا واضح مقصد یہ ہے کہ یہاں کے دین پسند اور حریت پسند افراد کو نشانہ بنایا جائے گا۔ قیم جماعت نے منوہر پاریکر کے بیان کی سخت الفاظ میں مذمت کرتے ہوئے کہا کہ کشمیری عوام ریاستی دہشت گردی کی اس پالیسی کی ہر سطح پر مزحمت کرے گی۔ہندوستانی مسلمانوں پر فرقہ پرستوں کی افتاد پر اپنی تشویش کا اظہار کرتے ہوئے قیم جماعت نے کہا کہ گائے کا گوشت کھانے والوں کو پاکستان جانے کے لیے کہا جاتا ہے، گھرواپسی، بیٹی بچاؤ اور بہو لاؤ اور مساجد کے خلاف لن ترانیاں اُس ذہنیت کی عکاسی کررہی ہے جو سیکولرازم کے تمام تر دعوؤں کی نفی کررہے ہیں ۔ قیم جماعت نے کہا کہ فرقہ پرست طاقتوں نے بھارت کے سیکولر دعوؤں کو فریب بنادیا ہے اور اس ملک میں مسلمانوں کو دوسرے درجے کا شہری بنانے کی سازشیں ہورہی ہیں ۔مصر ، بنگلہ دیش اور برما کے حالات پر بات کرتے ہوئے قیم جماعت نے کہا کہ ان ممالک کی صورتحال کے لیے جہاں اغیار کی سازشیں کارفرما ہیں وہاں اپنوں کی نادانیوں نے بھی گھناؤنا کردار نبھایا ہے۔ تحریکات اسلامی پر جاری ظلم و جبر اور آزمائشیں ملت اسلامیہ کے لیے کوئی نیک شگون نہیں ہے بلکہ یہ اُمت کوپتھر کے زمانے میں دھکیلنے کی مغربی کارستانیاں ہیں اور اس میں اُن کا ہاتھ نادان مسلمان حکمران بٹا رہے ہیں ۔ مسئلہ کشمیر کو اٹل حقیقت قرار دیتے ہوئے قیم جماعت نے کہا کہ برصغیر کے قیام امن کا راز مسئلہ کشمیر کے حل میں مضمر ہے۔ موصوف نے کہا کہ برصغیر میں تب تک قیام امن کا خواب شرمندۂ تعبیر نہیں ہوگا جب تک نہ مسئلہ کشمیر ، کشمیریوں کی خواہشات کے مطابق حل کیا جائے گا۔ جماعت اسلامی کے دیرینہ مؤقف کا اعادہ کرتے ہوئے قیم جماعت نے کہا کہ جماعت اسلامی چاہتی ہے کہ مسئلہ کشمیر کو اقوام متحدہ کی قرار دادوں کے ذریعے سے حل کیا جانا چاہیے یا پھر سہ فریقی مذاکرات کے ذریعے سے جس میں کشمیریوں کے حقیقی نمائندے شامل ہوں اس مسئلے کا حل کشمیریوں کی خواہشات کے مطابق نکالا جانا چاہیے۔اجتماع سے جن دوسرے مقررین نے خطابات کیے ہیں اُن میں نائب امیر جماعت نذیر احمد رعنا،سابق امیر جماعت شیخ محمد حسن، سابق قیم جماعت غلام قادر لون، امیر ضلع اسلام آباد احمداللہ پرے، ناظم شعبہ دعوت و تربیت مولانا طارق احمد مکی، معاون ناظم شعبہ دعوت و تربیت مولانا غازی معین الاسلام ندوی، امیر ضلع شوپیان شاہ محمد اورنگ زیب، ناظم اعلیٰ اسلامی جمعیت طلبہ عمر سلطان کے علاوہ سابق ناظم اعلیٰ واحد بشیر شامل ہیں ۔برستی بارش میں بھی ہزاروں لوگ مسجد کے صحن میں دن بھر اجتماع کی کاررروائی بغور سنتے رہے اور یہ عظیم الشان اجتماع نماز عصر کے ساتھ ہی اختتام پذیر ہوا۔

Read 520 times

Al'Quraan

The woman and the man guilty of illegal sexual intercourse, flog each of them with a hundred stripes. Let not pity withhold you in their case, in a punishment prescribed by Allah, if you believe in Allah and the Last Day. And let a party of the believers witness their punishment. (This punishment is for unmarried persons guilty of the above crime but if married persons commit it, the punishment is to stone them to death, according to Allah's Law).

Al'Quraan Surah Noor

Prophet Mohammad PBUH

Narrated: Abu Huraira (R.A) that a man said to the Prophet, sallallahu 'alayhi wasallam: "Advise me! "The Prophet (PBUH) said, "Do not become angry and furious." The man asked (the same) again and again, and the Prophet said in each case, "Do not become angry and furious." [Al-Bukhari; Vol. 8 No. 137]

Sunan Abu-Dawud.

eXTReMe Tracker