Top Panel
You are here: HomeNewsمصر کے سابق صدر محمد مرسی کو موت کی سزا سنانا ظلم عظیم ہے -- جماعت
Saturday, 16 May 2015 15:32

مصر کے سابق صدر محمد مرسی کو موت کی سزا سنانا ظلم عظیم ہے -- جماعت

Rate this item
(0 votes)

سرینگرمصر کی ایک عدالت نے سابق صدر ڈاکٹر محمد مرسی کو ملکی راز افشاکرنے اور جیل سے فرار ہونے کے جعلی مقدمات میں موت کی سزا سنائی ہے۔ اخوان المسلمون سے وابستہ رہنماؤں کے خلاف ظلم و ستم کا جو سلسلہ وہاں کی مغرب کی حمایت یافتہ فوجی حکومت نے شروع کررکھا ہے اُس سے مہذب دنیا کی چیخیں نکل رہی ہیں ۔ محمد مرسی کی منتخب حکومت کا تختہ الٹ کر اقتدار پر ناجائز طریقے سے قابض ہونا اور پھر اخوان کے ہزاروں کارکنوں پر ٹینکوں اور توپوں سے حملہ آور ہوکر اُن کا قتل عام کرنا اور پوری لیڈر شپ کو جیلوں کے اندر ٹھونس دینا ظلم و بربریت کی عظیم مثالیں ہیں ۔ المیہ یہ ہے کہ اُمت مسلمہ کے بیشتر ممالک کے حکمران اخوان المسلمون کی جمہوری حکومت کا تختہ پلٹ دینے میں سازشیں رچانے والوں میں نہ صرف شامل تھے بلکہ اس کارِ بد کے لیے مصری فوجی جنرل السیسی کو مالی امداد بھی فراہم کی گئی۔ مرشد عام محمد بدیع کے علاوہ درجنوں اخوانی لیڈرا ن کو پہلے ہی موت کی سزا سنائی گئی اور اب سابق صدر محمد مرسی کو غیر قانونی طور پر قائم کی گئی ایک عدالت نے سزائے موت سنائی۔جماعت اسلامی جموں وکشمیر مصر میں اخوان المسلمون کے لیڈران اور کارکنان کے خلاف جاری ان مظالم کی شدید الفاظ میں مذمت کرتی ہے اور جماعت کا یہ ماننا ہے کہ یہ اخوان المسلمون کے خلاف اعلان جنگ نہیں بلکہ اسلام کے خلاف محاذ کھولا گیا۔ مغرب اور اُن کے مسلم عیش کوش حکمران دین اسلام کی بڑھتی مقبولیت سے خوفزدہ ہیں اور اسلامی تحریکات کی عوامی مقبولیت کو دیکھ کر بوکھلاہٹ کا شکار ہوچکے ہیں ، اس لیے ان تحریکات پر عتاب کا سلسلہ شروع کیا گیا ہے۔ جماعت اسلامی جموں وکشمیر کا ماننا ہے کہ ایسے اوچھے ہتھکنڈوں سے اسلام کے نام لیوا مرعوب ہونے والے نہیں ہیں نہ ہی ان کارستانیوں سے اسلامی تحریکات کے بڑھتے قدم رُک سکیں گے۔ جماعت اسلامی جموں وکشمیر اخوان المسلمون کی جملہ قیادت اور کارکنان سے یکجہتی کا اظہار کرتی ہے اور سابق صدر محمد مرسی کے علاوہ دیگر لیڈران کو سنائی جانے والی سزاؤں کو غیر اصولوں اور ظلم و جبر پر مبنی سزائیں مانتی ہے۔ جماعت اسلامی عالم اسلام کے مسلمانوں سے اپیل کرتی ہے کہ وہ اغیار کی سازشوں کو سمجھیں اور اسلامی نظام کے قیام کے لیے جدوجہد میں اسلامی تحریکات کا ساتھ دیں ۔امیر جماعت اسلامی محمد عبداللہ وانی اور جماعت اسلامی جموں وکشمیر کی جملہ قیادت نے محمد مرسی کو سنائے جانے والی سزا کی شدید الفاظ میں مذمت کی۔

Read 629 times

Al'Quraan

The woman and the man guilty of illegal sexual intercourse, flog each of them with a hundred stripes. Let not pity withhold you in their case, in a punishment prescribed by Allah, if you believe in Allah and the Last Day. And let a party of the believers witness their punishment. (This punishment is for unmarried persons guilty of the above crime but if married persons commit it, the punishment is to stone them to death, according to Allah's Law).

Al'Quraan Surah Noor

Prophet Mohammad PBUH

Narrated: Abu Huraira (R.A) that a man said to the Prophet, sallallahu 'alayhi wasallam: "Advise me! "The Prophet (PBUH) said, "Do not become angry and furious." The man asked (the same) again and again, and the Prophet said in each case, "Do not become angry and furious." [Al-Bukhari; Vol. 8 No. 137]

Sunan Abu-Dawud.

eXTReMe Tracker