Top Panel
You are here: HomeNewsنئی بھرتی پالیسی نوجوان دشمن، پنڈتوں کے لیے ہوم لینڈ ناقابل قبول قیم جماعت
Sunday, 03 May 2015 18:25

نئی بھرتی پالیسی نوجوان دشمن، پنڈتوں کے لیے ہوم لینڈ ناقابل قبول قیم جماعت

Rate this item
(0 votes)

٣/مئی٥١٠٢ئ؁

گاندربل میں جماعت اسلامی کے سالانہ اجتماع میں ہزاروں لوگوں کی شرکت

سرینگرجماعت اسلامی جموں وکشمیر ضلع گاندربل کا سالانہ اجتماع آج منیگام برلب نالہ سندھ منعقد ہوا۔ اجتماع میں ضلع سے تعلق رکھنے والے دور دراز علاقوں کے ہزاروں لوگوں نے شرکت کی۔قیم جماعت اسلامی جموں وکشمیر ڈاکٹر عبدالحمید فیاض نے اجتماع سے خطاب کرتے ہوئے کہا کہ جماعت اسلامی اقامت دین کی تحریک ہے ، یہ انبیائ ؑ کی تحریک ہے اور یہ ہمارے اسلاف کی تحریک ہے۔ اس تحریک کے ذریعے سے ہم دنیا تک دین اسلام کی دعوت پہنچانے کا کام انجام دے رہے ہیں ، کیونکہ دین اسلام پوری انسانیت کا دین ہے اور ہم چاہتے ہیں پوری انسانیت اللہ کے احکامات کی پیروی کرے تاکہ زمین میں برپا فساد ختم ہوجائے۔قیم جماعت نے کہا کہ آج کے دور میں اسلام پسندوں کا قافیہ حیا ت تنگ کیا جارہا ہے اور حکومتی سطح پر اسلام پسندوں کو ہر سطح پر تنگ طلب کیا جاتا ہے۔ اس کی واضح مثال جموں وکشمیر میں تحریک اسلامی سے وابستہ افراد کو پاسپورٹ جاری نہ کرنا ہے۔ جماعت کے افراد کو حج جیسا مذہبی فریضہ ادا کرنے نہیں دیا جاتا ہے ، وجہ صرف یہ ہے کہ ہم اسلام کی بات کرتے ہیں اور اسلامی نظام کو ہی انسانیت کے لیے ضابطہ حیات مانتے ہیں ۔اسلام پسندوں کے خلاف یہ ظلم وجبر ریاست جموں وکشمیر میں ہی نہیں بلکہ عالم اسلام میں ہر جگہ روا رکھا گیاہے۔قیم جماعت نے کہا کہ دنیا نے معاملات کے حوالے سے دوہرا پیمانہ اپنا رکھا ہے۔ مسلمان ہر جگہ مظلوم ہیں ، گاجر مولی کی طرح کاٹے جارہے ہیں ، اس کے باوجود اُنہیں دہشت گرد گردانا جارہا ہے اس کے برعکس اصل دہشت گرد امریکہ اور اُس کے دیگر مغربی و یورپی حواری دنیا ئے انسانیت کا امن و امان درہم برہم کیے ہوئے ہیں اُنہیں کوئی دہشت گرد نہیں کہتا ہے۔ڈاکٹر عبدالحمید فیاض نے کہا کہ ریاستی حکومت سیاحتی شعبے کو فروغ دینے کے خاطر اب فلمی لوگوں کو یہاں آنے کی دعوت دے رہی ہے حالانکہ یہ سیاحتی شعبے کو فروغ دینا نہیں بلکہ بے حیائی اور بے شرمی کو فروغ دینا ہے۔ انہوں نے کہا کہ یہاں کی نوجوان نسل اور عوام ریاست میں سیاحت کے نام پر بے حیا کلچر کو پروان چڑھانے کی کسی بھی قیمت پر اجازت نہیں دیں گے۔ انہوں نے کہا کہ ریاست جموں وکشمیر میں مغربی پاکستان کے شرنارتھیوں کو بسانے کی سازشیں ہورہی ہیں ۔ انہوں نے کہا کہ حکومت وقت کو یاد رکھنا چاہیے کہ ریاست ایک متنازعہ خطہ ہے اور اس خطہ کے متنازعہ حیثیت پوری دنیا نے اقوام متحدہ کی قراردادوں کے ذریعے تسلیم کی ہے۔ڈاکٹر عبدالحمید فیاض نے کہا کہ یہ مسئلہ کشمیر ہی ہے جس کے لیے یہاں کے ایک لاکھ سے زیادہ لوگوں نے جانی قربانیاں دی ہے اور کسی متنازعہ خطے میں دوسرے ملک کے لوگوں کو بسانے کے پیچھے صرف یہ مقاصدکار فرما ہیں کہ یہاں مسلمانوں کے تناسب کو کم کیا جائے تاکہ ریاست کی متنازعہ حیثیت کو ختم کیا جاسکے۔پنڈتوں کی وادی واپسی کے مسئلے پر بات کرتے ہوئے قیم جماعت نے کہا کہ پنڈتوں کی وادی واپسی کا ہم خیر مقدم کریں گے لیکن اُن کے لیے الگ بستیوں کا قیام جماعت اسلامی اور یہاں کے عوام کے لیے ناقابل قبول ہے۔ کیونکہ بستیوں کی آڑ میں اصل میں ہندتوا ایجنڈا آگے بڑھانے کی سازشیں ہورہی ہیں اور اُن سازشوں کا بنیادی مقصد کشمیرکو فلسطینی طرز پر تقسیم کرنا ہے اور یہاں کے لوگوں کو جائز جدوجہد برائے حق خود ارادیت کو دبانا ہے۔ مسئلہ کشمیر کے حوالے سے قیم جماعت نے جماعت کے دیرینہ موقف کی وضاحت کرتے ہوئے کہا کہ اس دیرینہ مسئلہ کا حل اقوام متحدہ کی قراردادوں یا پھر سہ فریقی مذاکرات کے ذریعے سے یہاں کے عوام کی خواہشات کے عین مطابق نکالا جائے۔حکومت کی طرف سے نئی بھرتی پالیسی کو آڑے ہاتھوں لیتے ہوئے قیم جماعت نے کہا کہ یہ عمل یہاں کے نوجوانوں کو غلام در غلام بنانے ایک ایسا منصوبہ ہے جس کے تحت پڑھے لکھے نوجوانوں کو اس حد تک مجبور و مغلوب کیا جائے کہ وہ سیاست دانوں کے اشاروں پر ناچنے پر مجبور ہوجائیں ۔ قیم جماعت نے اس پالیسی کو نوجوان دشمن قرار دیتے ہوئے اس کی کڑی الفاظ میں نکتہ چینی کی۔ ریاست میں پے در پے انسانی حقوق کی پامالیوں پر اپنی تشویش کا اظہار کرتے ہوئے موصوف نے کہا کہ ترال اور نارہ بل جیسے واقعات کی غیرجانبدار تحقیقات عمل میں لائی جانی چاہیے۔ نیپال میں حالیہ زلزلہ کے نتیجے میں ہوئے انسانی جانوں کے اتلاف پر گہرے افسوس کا اظہار کرتے ہوئے موصوف نے کہا کہ یہ ایک انسانی سانحہ ہے اور ستم زدہ انسانیت کی مدد کرنے کے لیے جماعت نے ایک فنڈ قائم کیا ہوا ہے اور موصوف نے عوام الناس سے اُس فنڈ میں معاونت کرنے کی اپیل کی۔اس سے قبل امیر جماعت اسلامی جموں وکشمیر محمد عبداللہ وانی نے درس قرآن پیش کرتے ہوئے کہاکہ قرآن فہمی وقت کی سب سے اہم ضرورت ہے ۔ لوگوں کو قرآنی تعلیمات حاصل کرکے اللہ تعالیٰ کی اس کتاب پر عمل پیرا ہونا چاہیے ۔ انہوں نے کہا کہ مومنین کی صفات میں فہم قرآن ایک اہم صفت ہوتی ہے اور مومنین نماز قائم کرنے والے والے ہوتے ہیں ۔ امیر جماعت نے مزید کہا کہ اس وقت جن حالات سے ہم گزر رہے ہیں اُن سے نبرد آزما ہونے کے لیے اللہ کے نظام کی جانب رجوع کرنا ہوگا اور ہمیں اپنے اندر زیادہ سے زیادہ جذبۂ انفاق پیدا کرنا ہوگا۔ اللہ کی راہ میں مال خرچ کرنا مومنین کی سب سے اہم اور بنیادی صفت ہوتی ہے۔اجتماع میں نائب امیر جماعت نذیر احمد رعنا کی صدارت میں ایک محفل مذاکرہ بعنوان’’زمین میں فسادانسان کے اعمال کا نتیجہ‘‘منعقد ہوا۔ محفل مذاکرہ میں جن مقررین نے حصہ لیا اُن میں ناظم شعبہ دعوت و تربیت مولانا طارق احمد مکی، معاون ناظم شعبہ دعوت و تربیت مولانا غازی معین الاسلام ندوی اور ناظم اعلیٰ اسلامی جمعیت طلبہ جموں وکشمیر عمر سلطان شامل تھے۔امیر ضلع گاندربل گل محمد وار اور قیم ضلع گاندربل بشیر احمد لون نے بھی اجتماع سے خطابات کیے ہیں ۔بشیر احمد لون نے ’’دین کے تقاضے ‘‘ کے موضوع پر تقریر کی۔نماز عصر کے ساتھ ہی اجتماع کی کارروائی اپنے اختتام کو پہنچ گئی۔

 

Read 369 times

Al'Quraan

The woman and the man guilty of illegal sexual intercourse, flog each of them with a hundred stripes. Let not pity withhold you in their case, in a punishment prescribed by Allah, if you believe in Allah and the Last Day. And let a party of the believers witness their punishment. (This punishment is for unmarried persons guilty of the above crime but if married persons commit it, the punishment is to stone them to death, according to Allah's Law).

Al'Quraan Surah Noor

Prophet Mohammad PBUH

Narrated: Abu Huraira (R.A) that a man said to the Prophet, sallallahu 'alayhi wasallam: "Advise me! "The Prophet (PBUH) said, "Do not become angry and furious." The man asked (the same) again and again, and the Prophet said in each case, "Do not become angry and furious." [Al-Bukhari; Vol. 8 No. 137]

Sunan Abu-Dawud.

eXTReMe Tracker